Чэмпіянат сьвету па футболе 2014 году

Чэмпіянат сьвету па футболе 2014 году Бразылія Copa do Mundo da FIFA Brasil 2014
Падрабязнасьці чэмпіянату
Месца правядзеньня	Бразылія
Час правядзеньня	12 чэрвеня — 13 ліпеня
Лік удзельнікаў	203
— у фінальнай частцы	32
Статыстыка чэмпіянату
← 2010 2018 →

XX чэмпіянат сьвету па футболе ФІФА — галоўнае футбольнае спаборніцтва, якое пройдзе з 12 чэрвеня па 13 ліпеня 2014году ў Бразыліі^[1]. Гэта будзе другое сусьветнае першынство, дзе гаспадарамі выступіць Бразылія, якая да гэтага ўжо прымала чэмпіянат у 1950 годзе. Бразылія стане пятай краінай, якая прыме ў сябе спаборніцтва двойчы, да гэтага такое мерапрыемства праводзілі ў сябе Мэксыка, Італія, Францыя й Нямеччына.

У спаборніцтве возьмуць удзел 32 каманды, якія правядуць гульні ў 12 гарадах краіны. Гэта будзе першы чэмпіянат, які пройдзе ў Паўднёвай Амэрыцы з 1978 году, калі першынство праходзіла ў Аргентыне, а таксама першы раз калі пасьлядоўна два чэмпіянаты сьвету праводзяцца па-за межамі Эўропы. Плянуецца, у гэтым чэмпіянаце ўпершыню будзе выкарыстана сыстэма аўтаматычнага выяўленьня голу^[2].

Дзейным чэмпіёнам да пачатку першынства зьяўляецца зборная Гішпанія, якая ў фінале папярэдняга чэмпіянату была мацней за зборную Нідэрляндаў. У чэмпіянаце ўпершыню возьме ўдзел зборная Босьніі і Герцагавіны.

Продаж білетаў на чэмпіянат сьвету пачаўся 20 жніўня 2013 году. Паводле ацэнак, будзе даступна каля 3,3 млн квіткоў, якія можна будзе набыць праз сайт ФІФА^[3].

Зьмест

  [схаваць] 

• 1 Выбары гаспадароў
• 2 Удзельнікі
• 3 Стадыёны
• 4 Групавы этап
  • 4.1 Група A
  • 4.2 Група B
  • 4.3 Група C
  • 4.4 Група D
  • 4.5 Група E
  • 4.6 Група F
  • 4.7 Група G
  • 4.8 Група H
• 5 Плэй-оф
• 6 Крыніцы
• 7 Вонкавыя спасылкі

Выбары гаспадароў[рэдагаваць | рэдагаваць крыніцу]

Ёзэф Блятэр абвяшчае краіну-гаспадара чэмпіянату

7 сакавіка 2003 году ФІФА абвесьціла, што турнір пройдзе ў Паўднёвай Амэрыцы. Цікавасьць да правядзеньня турніру праяўлялі Аргентына, Бразылія і Калюмбія, аднак у сьнежні 2006 заяўкі падалі толькі бразыльцы і калюмбійцы, а ўжо 11 красавіка 2007 году Калюмбія адклікала сваю заяўку, абвесьцеўшы, што замест чэмпіянату сьвету сярод нацыянальных камандаў краіна прыме чэмпіянат сьвету да 20 гадоў у 2011 годзе. У выніку 30 кастрычніка 2007 году Бразылія была зацьверджана ў якасьці гаспадароў як адзіны кандыдат.

Пазьней ФІФА абвесьціла, што зьменіць прынцып ратацыі, і да выбараў кандыдатаў за права прыняць турнір у 2018 годзебудуць дапушчаныя краіны з усіх канфэдэрацыяў, за выключэннем тых, якія прымалі два папярэднія чэмпіянаты (КАФ іКОНМЭБОЛ).

Удзельнікі[рэдагаваць | рэдагаваць крыніцу]

У чэмпіянаце прымуць удзел 32 каманды. Зборная Бразыліі ў якасьці гаспадароў, а таксама 31 каманда з рэгіянальных кваліфікацыйных турніраў. Месцы ў фінальнай частцы разьмеркаваныя паміж кантынэнтальнымі асацыяцыямі наступным чынам: УЭФА (Эўропа) разыграе 13 месцаў, КОНМЭБОЛ (Паўднёвая Амэрыка) — 4 месцы,КАФ (Афрыка) — 5 месцаў, АФК (Азія) — 4 месцы, КОНКАКАФ (Паўночная Амэрыка і Карыбскі басэйн) — 3 месцы, яшчэ два месцы будуць разыграныя паміж пятай камандай Паўднёвай Амэрыкі і пятай камандай Азіі (адно месца), а таксама паміж чацьвертай камандай КОНКАКАФ і найлепшай камандай Акіяніі (яшчэ адно месца).

На сёньняшні дзень ужо кваліфікаваліся на чэмпіянат наступныя зборныя:

Бразылія (20-ы ўдзел у чэмпіянатах сьвету) Японія (5 удзел) Аўстралія (4 удзел) Іран (4 удзел) Паўднёвая Карэя (9 удзел) Нідэрлянды (10 удзел) Італія (18 удзел) ЗША (10 удзел)

Коста-Рыка (4 удзел) Аргентына (16 удзел) Бэльгія (12 удзел) Швайцарыя (10 удзел) Нямеччына (18 удзел) Калюмбія (5 удзел) Расея (10 удзел) Босьнія і Герцагавіна (1 удзел)

Ангельшчына (14 удзел) Гішпанія (14 удзел) Чылі (9 удзел) Эквадор (3 удзел) Гандурас (3 удзел) Нігерыя (5 удзел) Кот д’Івуар (3 удзел) Камэрун (7 удзел)

Гана (3 удзел) Альжыр (4 удзел) Грэцыя (3 удзел) Харватыя (4 удзел) Партугалія (6 удзел) Францыя (14 удзел) Мэксыка (15 удзел) Уругвай (12 удзел)

Стадыёны[рэдагаваць | рэдагаваць крыніцу]

Паводле рэкамэндацыяў ФІФА чэмпіянаты сьвету праводзяцца ў 8—10 гарадах ня больш чым на двух стадыёнах у кожным горадзе, але Бразылія атрымала асобны дазвол і чэмпіянат пройдзе на 12 стадыёнах у 12 гарадах, які быў атрыманы 26 сьнежня 2008 году^[4]. Яшчэ да абраньня стадыёнаў, якія павінны прыняць чэмпіянат, было мала сумнёваў месцам правядзеньня фінальнага матчу будзе стадыён «Маракана» ў Рыё-дэ-Жанэйра, які ўжо прымаў фінал чэмпіянату сьвету ў 1950 годзе. Першапачаткова Бразыльская футбольная канфэдэрацыя плянавала правесьці матч адкрыцьця на стадыёне «Марумбі» ў Сан-Паўлу, найбуйнейшым горадзе ў Бразыліі. Тым ня менш, 14 чэрвеня 2010 году гэты стадыён быў выключаны са сьпісу арэнаў, якія прымуць чэмпіянат, з-за непрадастаўленьня фінансавых гарантыяў для паляпшэньня інфраструктуры стадыёну згодна з патрабаваньнямі ФІФА^[5]. У канцы жніўня 2010 году было абвешчана, што матчы ў Сан-Паўлу прыме «Арэна Карынтыянс».

Рыё-дэ-Жанэйра	Бразылія	Сан-Паўлу	Фарталеза
Маракана	Нацыянальны стадыён Манэ Гарынча	Арэна Карынтыянс	Кастэлан
Умяшчальнасьць: 78 838	Умяшчальнасьць: 72 888	Умяшчальнасьць: 65 807	Умяшчальнасьць: 63 903
Бэлу-Арызонці	Порту-Алегры	Салвадор	Рэсыфі
Мінэйран	Бэйра-Рыё	Фонтэ-Нова	Арэна Пэрнамбуку
Умяшчальнасьць: 62 547	Умяшчальнасьць: 51 300	Умяшчальнасьць: 56 500	Умяшчальнасьць: 46 154
Куяба	Манаўс	Натал	Курытыба
Арэна Пантанал	Арэна Амазонія	Арэна дас Дунас	Арэна да Байшада
Умяшчальнасьць: 42 968	Умяшчальнасьць: 42 374	Умяшчальнасьць: 42 086	Умяшчальнасьць: 43 900